ടൂറിസം മേഖലയായ വര്‍ക്കല ഹെലിപാടിന് സമീപത്തെ കച്ചവട സ്ഥാപനങ്ങളില്‍ വ്യാപകമായ മോഷണം. ഞായറാഴ്ച രാത്രിയോടെയാണ് സംഭവം.കര്‍ണാടക സ്വദേശിയായ വെങ്കിടേഷ്, തുക്കാര, മലയാളികളായ ജയരാജ്, ശ്രീകാന്ത് എന്നിവരുള്‍പ്പെടെ ഒരു കാശ്മീരിയുടെ കച്ചവട സ്ഥാപനത്തിലുമാണ് മോഷണം നടന്നത്.കര്‍ണാടക സ്വദേശിയായ വെങ്കിടേഷിന്റെ കടയില്‍ നിന്ന് 9,000 രൂപയും തുണിത്തരങ്ങളും കവര്‍ന്നിട്ടുണ്ട്.
ജയരാജിന്റ സൂപ്പര്‍മാര്‍ക്കറ്റില്‍ നിന്ന് സിഗരറ്റും, ശീതളപാനീയങ്ങളും മോഷ്ടിച്ചു. മറ്റ് കടകളില്‍ നിന്നും സാധനസാമഗ്രികള്‍ കവര്‍ന്നിട്ടുണ്ട്. നാല് കടകളിലാണ് പ്രധാനമായും മോഷണം നടന്നത്. സമീപത്തെ ചില കടകളില്‍ മോഷണശ്രമവും നടന്നിട്ടുണ്ട്. വര്‍ക്കല പൊലീസ് സ്ഥലത്തെത്തി മേല്‍നടപടികള്‍ സ്വീകരിച്ചു.
