കോവിഡ് നിയന്ത്രണങ്ങൾക്ക് ശേഷം കോളേജുകളും സ്ക്കൂളുകളും തുറന്ന് പ്രവർത്തിച്ചു തുടങ്ങിയിരിക്കുകയാണ്. എന്നാൽ ആറ്റിങ്ങൽ - കിളിമാനൂർ പ്രദേശങ്ങളിൽ ഓടുന്ന സ്വകാര്യ ബസുകളിൽ വിദ്യാർഥികൾക്കുള്ള യാത്രാ ആനുകൂല്യങ്ങൾ ലഭ്യമാകുന്നില്ല എന്ന് വ്യാപക പരാതി ആണ് ഉയർന്ന് വരുന്നത്. ഇതുകാരണം കോവിഡ് മൂലം സാമ്പത്തികമായി പരാധീനതകൾ അനുഭവിക്കുന്ന കുടുംബങ്ങളിൽനിന്നും കോളേജുകളിലേക്കും സ്കൂളുകളിലേക്കും പോകേണ്ട വിദ്യാർത്ഥികൾക്ക് വലിയൊരു തുക യാത്ര കൂലിയായി ചെലവഴിക്കേണ്ടി വരികയാണ്.
ആയതിനാൽ, അടിയന്തരമായി വിഷയത്തിൽ ഇടപെട്ട് വിദ്യാർഥികൾക്ക് ST ഉറപ്പാക്കുന്നതിന് വേണ്ടിയുള്ള കർശന നിർദ്ദേശങ്ങൾ ഉണ്ടാകണമെന്ന് ആവശ്യപ്പെട്ടും, വിദ്യാർത്ഥികളുടെ പ്രശ്നങ്ങൾ ചൂണ്ടി കാട്ടികൊണ്ടും ആറ്റിങ്ങൽ ആർ.റ്റി.ഒ, ആറ്റിങ്ങൽ ഡി.വൈ.എസ്.പി, ആറ്റിങ്ങൽ എസ്എച്ച്ഒ, കിളിമാനൂർ എസ്എച്ച്ഒ, തുടങ്ങിയവർക്ക് കെ.എസ്.യു ആറ്റിങ്ങൽ നിയോജക മണ്ഡലം കമ്മിറ്റി പരാതി നൽകി.
വരും ദിവസങ്ങളിൽ വിദ്യാർത്ഥികളുടെ പരാതികൾ പരിഹരിക്കാത്ത പക്ഷം സമര പരിപാടികളുമായി മുന്നോട്ട് പോകുമെന്ന് കെ.എസ്.യു ജില്ലാ ജനറൽ സെക്രട്ടറി ആദേഷ് സുധർമ്മൻ, കെ.എസ്.യു ആറ്റിങ്ങൽ നിയോജക മണ്ഡലം പ്രസിഡന്റ് ജിഷ്ണു മോഹൻ, വൈസ് പ്രസിഡന്റ് യാസീൻ ഷരീഫ് തുടങ്ങിയവർ അറിയിച്ചു.
