കുന്തള്ളൂർ അനന്ത ഭവൻ വീട്ടിൽ 40 വയസ്സുകാരൻ ബിജുവിന്റെ മൃതദേഹമാണ് കണ്ടെത്തിയത്.
ബിജുവിനെ കാണാതായതിനെ തുടർന്ന് ചൊവ്വാഴ്ച ബന്ധുക്കൾ ചിറയിൻകീഴ് പോലീസ് സ്റ്റേഷനിൽ പരാതി നൽകിയിരുന്നു. പോലീസ് അന്വേഷണം നടത്തി വരുന്നതിനിടെ ബിജുവിന്റെ ബൈക്കും ചെരുപ്പും പുളിമൂട് പാലത്തിൽ ഉപേക്ഷിച്ച നിലയിൽ കണ്ടെത്തുകയും ചെയ്തിരുന്നു.
വ്യാഴാഴ്ച രാവിലെ പത്ത് മണിയോടെ അഞ്ചുതെങ്ങ് മുതലപ്പൊഴി കായലിൽ നിന്നാണ് മൃതദ്ദേഹം കണ്ടെത്തിയത്. തുടർന്ന് കോസ്റ്റൽ പോലീസിന്റെയും മറൈൻ എൻഫോഴ്സ്മെന്റിന്റെയും നേതൃത്ത്വതിൽ കരക്കെത്തിച്ച മൃതദ്ദേഹം ചിറയിൻകീഴ് താലൂക്ക് ആശുപത്രിയിലേക്ക് മാറ്റി.
