തുമ്പയിൽ ട്രെയിൻ തട്ടി രണ്ടു പേർ മരിച്ചു

തിരുവനന്തപുരം: തുമ്പയിൽ ട്രെയിൻ തട്ടി രണ്ടു പേർ മരിച്ചു. പശ്ചിമ ബംഗാൾ സ്വദേശികളായ അന്തർ സംസ്ഥാന തൊഴിലാളികളാണ് മരിച്ചത്. ജയിംസ് ഒറാൻ (39), ഗണേഷ് ഒറാൻ (26) എന്നിവരാണ് മരിച്ചത്.

കുളത്തൂർ ചിത്തിര നഗറിൽ പാളത്തിന് സമീപത്താണ് ഇവർ വാടകയ്ക്ക് താമസിക്കുന്നത്. 

രാത്രി ഫോണിൽ സംസാരിച്ചിരിക്കവെ ട്രെയിൻ തട്ടിയതാകാമെന്ന് തുമ്പ പോലീസ് പറഞ്ഞു.മൃതദേഹത്തിനരികിൽ മൊബൈൽ ഫോണുകളും ഹെഡ് ഫോണും ഉണ്ടായിരുന്നു. രണ്ട് പേരും കെട്ടിട കരാർ തൊഴിൽ ചെചെയ്യുന്നവരാണ്.

മൃതദേഹങ്ങൾ മെഡി. കോളേജ് മോർച്ചറിയിലേക്ക് മാറ്റി.സംഭവത്തിൽ പൊലീസ് അന്വേഷണം ആരംഭിച്ചു.