തിരുവനന്തപുരം : സംസ്ഥാനത്ത്‌ നീറ്റ് പരീക്ഷ നാളെ.നീറ്റ് പരീക്ഷയ്ക്കുള്ള ഹാൾടിക്കറ്റുകൾ വെബ്സൈറ്റിൽ നിന്നും ഡൗൺലോഡ് ചെയ്ത് എടുക്കാവുന്നതാണ്.
ആദ്യം ഡൗൺലോഡ് ചെയ്ത് അഡ്മിറ്റ് കാർഡുകളിലെ രണ്ടാമത്തെ പേജിൽ പോസ്റ്റ് കാർഡ് സൈസ് ഫോട്ടോ ഓടിക്കുന്നതിന് മതിയായ സ്ഥലം ഇല്ലാത്ത അവസ്ഥ ഉണ്ടായിരുന്നു. എന്നാൽ സെപ്റ്റംബർ എട്ടിന് ഉച്ചയ്ക്ക് ശേഷം ഡൗൺലോഡ് ചെയ്ത അഡ്മിറ്റ് കാർഡുകളിൽ ഫോട്ടോ ഒട്ടിക്കുന്നതിന് മതിയായ സ്ഥലം ലഭ്യമാക്കിയിട്ടുണ്ട്.
ഇതുമായി ബന്ധപ്പെട്ട് നിർദ്ദേശം നാഷണൽ ടെസ്റ്റിംഗ് ഏജൻസി സെപ്റ്റംബർ 9-ന് ഇറക്കിയിട്ടുണ്ട്.
ഫോട്ടോയുടെ സൈസ് കുറയ്ക്കാനോ, അഡ്മിറ്റ് കാർഡിൽ എഡിറ്റിംഗ് സോഫ്റ്റ്‌വെയർ ഉപയോഗിച്ച് മാറ്റം വരുത്താനോ പാടുള്ളതല്ല.
