തിരുവനന്തപുരത്തും കരിപ്പൂര്‍മോഡല്‍ 'സ്വര്‍ണംപൊട്ടിക്കല്‍' ; ഒരാളെ കാണാതായതിനു പിന്നില്‍ സ്വർണക്കടത്ത്

തിരുവന്തപുരം: കരിപ്പൂർ മോഡൽ സ്വർണം പൊട്ടിക്കൽ തിരുവനന്തപുരത്തും. ഒരാഴ്ച മുമ്പ് വിദേശത്ത് നിന്നെത്തിയ ആളെ കാണാതായതിന് പിന്നിൽ സ്വർണക്കടത്താണ് എന്ന നിഗമനത്തിലാണ് പോലീസ്. സ്വർണം കടത്തിയ ആൾ മറ്റൊരു സംഘത്തിനൊപ്പം പോയെന്നാണ് കരുതുന്നത്. ഇയാൾ പോയ വാഹനം പോലീസ് കണ്ടെത്തി.

കഴിഞ്ഞ 13ന് ദുബായിൽ നിന്ന് തിരുവനന്തപുരം വിമാനത്താവളത്തിലെത്തിയ കല്ലറ സ്വദേശി അൽ അമീനെയാണ് കാണാതായത്. ഇയാളുടെ തിരോധാനം സംബന്ധിച്ച് ബന്ധുക്കൾ വലിയതുറ പോലീസിൽ പരാതി നൽകിയിട്ടുണ്ട്. ഇതുമായി ബന്ധപ്പെട്ട് പോലീസ് നടത്തിയ അന്വേഷണത്തിലാണ് കരിപ്പൂർ മോഡൽ സ്വർണം പൊട്ടിക്കൽ തിരുവനന്തപുരത്തും നടന്നതായി പോലീസ് സംശയിക്കുന്നത്.